Kënga e Dua Lipës një hap larg nominimit për një çmim ‘Oscar’
Këngët nga filmi “Barbie”, “Dance the Night”, “What Was I Made For?”, dhe “I’m Just Ken” kanë arritur të renditen në listën e ngushtë për t’u nominuar për çmim ‘Oscar’, transmeton gazeta “Kosova Sot Online”.
“Dance The Night” interpretohet nga artistja shqiptare me famë botërore, Dua Lipa, dhe në rast se ajo nominohet dhe fiton këtë çmim, bëhet shqiptarja e parë që fiton një çmim “Oscar”.
E lumtur për këtë sukses, ajo publikoi disa imazhe në Instagram nga prapaskenat e xhimeve dhe të “Dance The Night”, në mbishkrimin e të cilave shkroi: “Kjo ‘Barbie’ e ka arritur tashmë liftën e ngushtë të nominimeve për ‘Oscars 2024’ me ‘Dance The Night'”.
Votimi për nominimet fillon të enjten, më 11 janar për edicionin e 96-të të çmimeve të Akademisë, “Oscars”.
Mbrëmja e çmimeve do të mbahet më 10 mars në Los Angeles dhe do të transmetohet në ABC, në një ceremoni të drejtuar nga prezantuesi i famshëm Jimmy Kimmel.
Të tjerë këngë që do të konkurrojnë për t’u nominuar në këtë çmim të rëndësishëm janë dy këngë nga “The Hunger Games: The Ballad of Songbirds & Snakes”, dy këngë nga “Flora and Son”, kënga “Road to Freedom” nga filmi “Rustin”; “The Fire Inside,” e kënduar nga Lenny Kravitz nga “The Color Purple”; dhe “Am I Dreaming” nga Becky G nga “Flamin’ Hot” e prodhuar nga Metro Boomin x A$AP Rocky dhe Rosiee.
(Kosova Sot Online)
