Lexoni edhe:
“Erë pranvere” libri i nxënëses së klasës së pestë Era Sinani
Në ditën e mësuesit befason poetja e re filloriste, Era Sinani promovon librin e saj të parë
Nxënësja e klasës së pestë të ShFMU “Pavarësia”, Era Sinani, ka promovuar librin “Erë pranvere” në Ditën e Mësuesit.
Mësuesja e saj, Afërdita Sermaxhaj, në një fjalim hyrës e quajti ditë të rëndësishme jo vetëm për Erën, por edhe për klasën e saj promovimin e librit të parë të saj.
Në këtë manifestim në të cilën ishin drejtori, zëvendësdrejtori, sekretari e punonjës të arsimit, mësuesja Sermaxhai tha se nxënësja Era qysh në ditët e para kur erdhi në klasë të parë shfaqi interesimin e saj për gjuhën, matematikën, por nuk u ndal me kaq, zhvilloi edhe pasionet e saj leximin, shkrimin, baletin, muzikën dhe artin.
“Si bletë punëtore që mbledh nektarin lule më lule, ashtu edhe Era ka mbledhur poezitë e saj të cilat i ka shkruar që nga mosha 6 vjeçare. Libri “Erë pranvere” i poeteshës sonë të re, Era Sinani, është një përmbledhje me poezi, në të cilin ajo përshkruan natyrën, stinët e vitit, pa e harruar as shkollën e librin dhe dashurinë që ka për to. Ajo i kushton poezi edhe figurave të rëndësishme të historisë , duke mos harruar as gjyshërit e saj, pjesë të historisë familjare”, tha ajo.
Mësuesja Afërdita, duke i uruar shëndet, sukses në mësime, beson se ky libër që do të jetë në duart e arta të fëmijëve dhe do të jetë një motiv për Erën që ajo të vazhdojë të shkruajë edhe më tej.Ndërkaq autorja, Era Sinani, duke i përshëndetur të pranishmit, uroi festën 7 marsit për të gjithë mësimdhënësit dhe respekt i përjetshëm për kontributin e jashtëzakonshëm në arsimimin dhe edukim e shumë gjeneratave.
Duke falënderuar të pranishmit për prezencën e tyre, si dhe familjen e cila i ka dhënë mbështetje, tha se një falënderim të përzemërt shkon edhe për mësuesen Afërdita e cila e mësoi, edukoi dhe më motivoi përherë.
Ajo tha se filloi të shkruaj poezi që nga mosha 6 vjeçare dhe disa nga këto poezi i kam zgjedhur për librin tim të parë me titullin “Erë pranvere”.
“Në këtë libër jam munduar të shpalos përjetimet dhe imagjinatën time me një gjuhë shumë të kuptueshme dhe të lehtë duke prekur larmi temash, duke filluar nga natyra, ngjyrat e stinëve, frutat dhe dobitë e tyre, i kam shkruar shkollës e librit, pa harruar edhe lulet e gjyshes sime. Gjithashtu jam munduar me pak vargje të përshkruaj kontributin dhe vlerën e mësuese Afërdita, duke e shprehur dashurinë që kam për te. Po ashtu me pak vargje jam munduar ta përshkruaj vëllain tim Blinin që është shumë i ëmbël”, tha ajo.
Nisur nga ngjarjet që i ka treguar gjyshi dhe babai për luftën, UÇK-në, vuajtjet dhe sakrificën e popullit tonë që ne të jemi të lirë, ajo ia ka kushtuar një poezi te titulluar “Gjyshi m’ka tregue”, për te shprehur dashurinë që kam ndaj atdheut.
Ajo në fund lexoi dy poezi të cilat u përcollën me duartrokitje.
(Kosova Sot Online )
