![Një udhëtim në sferat e artit dhe filozofisë nga Jetullah Haliti-Eti në Galerinë e qytetit të Gjilanit](/uploads/kosova-sot/images/2024/September/07/200x200_455573997_492854210279773_408504431146889250_n1725709340.jpg)
Sot u përkujtua ikona e gazetarisë Qani Mehmedi, në shtatë vjetorin e ndarjes nga jeta
![Sot u përkujtua ikona e gazetarisë Qani Mehmedi, në shtatë vjetorin e ndarjes nga jeta](/uploads/kosova-sot/images/2024/July/18/auto_bbbbbb1721335244.jpg)
Sot në praninë e një rrethi të ngushtë të familjarëve, miqve, kolegëve dhe kryetarit të komunës së Kërçovës z.Fatmir Dehari u bënë homazhe për Qani Mehmedin, në vendlindjen e tij, Drogomisht i vogël.
Kështu u përkujtua ikona e gazetarisë në 7 vjetorin e ndarjes nga jeta duke folur për të z.Dehari i cili e kujtoi si një personalitet të rrallë me ndikim shumëdimensional në jetën shoqërore e politike shqiptare! Në emër të familjes folën djali Mentori- ekspert në Fondin monetar ndërkombëtar i cili evokoi kujtime nga veprat e babait Qaniut që u la shumë krenari!
Vajza Besiana, profesoreshë në Universitetin e Tetovës u shpreh e lumtur që vendlindja e babait është pikëtakim i përjetshëm që na bën ta mbajmë gjallë kujtimin për të! Nga Myftinia e Kërçovës ishte i pranishëm sekretari Xhemail Ahmeti i cili lutjet i bëri në gjuhën shqipe, pikërisht ashtu siç donte Qani Mehmedi i cili ishte idhtarë i shkrirjes së dallimeve fetare përmes gjuhës e kombit!
Në këtë përkujtim mori pjesë edhe mbesa Uskana e cila mbante fanelen me fotografinë dedikuese për gjyshin e saj, ikonën e gazetarisë Qani Mehmedi i cili do të vazhdojë të jetojë në mesin tonë përmes veprave që na la trashëgimi!
(Kosova Sot Online)