Amerikanët e çojnë në Beograd delegacionin për të hapur zyrën që do të implementojë marrëveshjet e Shtëpisë së Bardhë

  • E. /
  • 09 September 2020 - 08:10
Amerikanët e çojnë në Beograd delegacionin për të hapur zyrën që do të implementojë marrëveshjet e Shtëpisë së Bardhë

Pas nënshkrimit të marrëveshjes Kosovë-Serbi, Shtetet e Bashkuara të Amerikës nuk do të vonohen dhe pritet që të dërgojnë delegacionin për të hapur zyrën në Beograd për të nisur implementimin e projekteve që parashihen në marrëveshjen Kosovë-Serbi, te arritur në Shtëpinë e Bardhë në Washington

Kosova dhe Serbia nënshkruan marrëveshje historike në Shtëpinë e Bardhë në Washington më 4 shtator, një marrëveshje që hap rrugë për investime ekonomike në rajon, kurse Kosova u kthye nga SHBA edhe me një njohje nga shteti i Izraelit,

Pas kësaj marrëveshje, amerikanët nuk kanë qëndruar duarkryq.

Ata do të nisin për në Beograd menjëherë një delegacion për të mbikëqyrur implementimin e kësaj marrëveshje.

Këtë e ka bërë të ditur Adam Boehler nga Departamenti për Zhvillim Ekonomik Ndërkombëtarë në qeverinë amerikane.

“Pas arritjes historike të marrëveshjes historike në mes të Serbisë dhe Kosovës javën e kaluar, do të dërgojë një delegacion të nivelit të lartë gjatë datës 21 shtator për të hapur zyrën e DFC-së dhe të fillohet menjëherë në zbatimin e projekteve kyçe për normalizimin e marrëdhënieve ekonomike”, ka shkruar Beohler në Twitter.

Kujtojmë se me Boehler ishte takuar edhe kryeministri i Kosovës, Avdullah Hoti para se të kthehej në Kosovë e ku ia kishte prezantuar projektet për zhvillim ekonomik që ishin nënshkruar me Trump në marrëveshje për normalizimin ekonomik.

(Kosova Sot Online)

gazeta Serbia kosovasot beograd SHBA Kosovare marreveshje amerikanet delegacion Shtëpisë së Bardhë