Lexoni edhe:
Ja pse ish ministri i Rrahman Morinës, Isa Mustafa, nuk duhet të bëhet president i Kosovës
E ofenduan për marrëveshjet në Uashington, tash Kremlini tregon se ishte Vuciq që kërkoi telefonatë me Putinin
Marrëveshja në Uashington i ka acaruar raportet Serbi – Rusi. Pala serbe ka reaguar ashpër duke i quajtur primitive reagimet e zëdhënëses së MPJ’së së Rusisë Maria Zaharova e cila publikoi sekuenca të filmit Basic Instinct duke aluduar se Vuciq u poshtërua në Washington.
I pari që reagoi ishte Marko Gjuriq i cili shpalosi se Putin e kishte poshtëruar Vuciqin duke e lënë të pres nga 1 orë e gjysmë në Moskë para takimeve. Pas kësaj dy palët janë munduar t’i ulin tensionet duke realizuar një telefonatë Vuciq -Lavrov. Por, Vuciq nuk ëhstë mjaftuar me kaq. Kremlini sot ka bërë me dije se telefonata Vuciq -Putin që është realizuar sot ka ardhur me iniciativë të palës serbe.
Në kumtesën e lëshuar në Moskë thuhet se Rusia e çmon kontributin personal të Aleksandër Vucic për zhvillimin e lidhjeve ruso -serbe.
Pastaj, bëhet e ditur se Vuciq që gjatë telefonatës e Presidentin e Rusisë e ka njoftuar për bisedimet Kosovë -Serbi të zhvilluar në Uashintgon dhe Bruksel ndërmjet 4 dhe 7 shtatorit.
Aty bëhet e ditur se telefonata është iniciuar nga pala serbe dhe kryesisht është folur për raportet Kosovë -Serbi.
Sipas njoftimit, Putin e ka përsëritur qëndrimin e Rusisë se zgjidhja duhet të jetë e pranueshme për Beogradin dhe duhet të aprovohet në Këshill të Sigurimit.
(Kosova Sot Online)
