Banorët e Karaçevës nuk flasin për kazinotë pasi ndihen të frikësuar

Një natë më parë në fshatin Karaçevë të Kamenicës janë arrestuar 33 persona të dyshuar, në mesin e tyre 10 zyrtarë policorë pas një aksioni në këtë fshat, në rajonin e Prishtinës, si dhe lokacione të tjera të vendit.

Banorët e kësaj ane po tregojnë prapa kamerës se aksioni i rrënimit të më shumë se 12 kazinove, ka nisur pas mesnate. Ndërkaq, të njëjtit nuk pranojnë të flasin meqë thonë se ndihen të frikësuar.

Lexoni edhe:

Pazarin me Ujmanin e bëri Hashimi i Brojës, Avdullah Hoti zbatues i planit të gërshërëve mbi harta

Sipas një komunikate, Prokuroria Themelore në Gjilan, Inspektorati Policor dhe Policia e Kosovës, operacioni ka filluar si rezultat i një hetimi gati njëvjeçar të udhëhequr nga Prokuroria Themelore në Gjilan, lidhur me pretendimet për veprimtari të paligjshme, përfshirë bixhozin e paligjshëm, trafikimin me njerëz, trafikimin me armë, trafikimi me narkotikë, kontrabandimin e mallrave dhe aktivitete të tjera kriminale.

Një ditë pas rrënimit të këtyre kazinove ilegale, shihen punëtorë të cilët po mbledhin gjëra të cilat kanë mbetur brenda.

1 / 1

(Kosova Sot Online)