![Largohen bllokadat në pikat kufitare nga serbët, hapen për qarkullim Bërnjaku e Merdarja](/uploads/kosova-sot/images/2024/August/12/200x200_auto_kolona1579426145-730x440-1-600x3601723446644.jpg)
Ky është versioni i Policisë gjermane për tragjedinë e dy të rinjve nga Deçani
![Ky është versioni i Policisë gjermane për tragjedinë e dy të rinjve nga Deçani](/uploads/kosova-sot/images/2020/October/13/auto_GermanTrainAccident1310a-1-600x360-11602594072.jpg)
Dy vëllezër nga Komuna e Deçanit, banorë të Gjermanisë kanë vdekur mëngjesin e ditës së sotme pasi janë goditur nga treni, njoftojnë mediat gjermane.
Sipas njoftimit të mediave gjermane, njëri nga vëllezërit është 13-vjeçar ndërsa tjetri 17-vjeçar.
Policia e Gjermanisë në një prononcim për mediat gjermane ka treguar se si ka ndodhur ngjarja.
“Ngjarja ka ndodhur në orën 7:30 të mëngjesit. Fëmijët kanë kaluar shirtin i cili ishte i vendosur në mënyrë që të kapin një tren, por një tjetër i cili ishte në anën e kundërt ka ardh dhe i ka shkel. Me rastin tani po merren Policia”, tha oficeri i Policisë që është në vendin e ngjarjes.
Drejtuesi i trenit donte të fillonte një frenim emergjence, por ishte tepër vonë, tha zëdhënësi i policisë. Dëshmitarë të shumtë okularë, përfshirë disa studentë të shkollës së mesme, vëzhguan aksidentin fatal.
Ndaj këtij rasti tragjik ka reaguar edhe ministrja e Jashtme dhe Diasporës, Meliza Haradinaj-Stublla, e cila përmes një postimi në Facebook tha se janë në kontakt me autoritetet gjermane dhe po presin sqarimin e kësaj tragjedie.
“Me rastin e vdekjes tragjike të personave B.A dhe H.A (13 dhe 17 vjeçar) në Gjermani, Ministria e Punëve të Jashtme dhe Diasporës e Republikës së Kosovës shpreh ngushëllimet më të sinqerta për prindërit e familjarët, si dhe qytetarët e Deçanit dhe Kosovës. Ambasada e Kosovës në Berlin dhe Konsullata e Përgjithshme në Bavari janë në kontakt me autoritetet gjermane për t’u sqaruar kjo tragjedi e rëndë. Jeta jashtë vendlindjes në këto rrethana din të jetë shumë e rëndë, dhe jemi duke bërë çdo gjë që familjes t’u gjindemi pranë në këto çaste të vështira”, ka shkruar Haradinaj.
(Kosova Sot Online)