Lind bebja me dy koka

Një vajzë me dy koka lindi në Bangladesh, ndërkohë që turma njerëzish janë mbledhur për të parë atë që e quajnë një mrekulli.

Bebja po trajtohet për vështirësi në frymëmarrje në spitalin më të madh në vend në Daka. Babai i foshnjës, Jamal Mia, tha se ka mbetur i habitur.

“Kokat e saj janë plotësisht të zhvilluara. Ajo ha me dy gojë dhe merr frymë me dy hundë. Sërish, falenderoj Allahun që ajo dhe nëna e saj janë mirë”.

Ai shton se e di që do ketë vështirësi për ta rritur. Mjekët thonë se bebja ka vetëm një set me organe vitale.

“I gjithë qyteti ka vërshuar në spital për të parë fëmijën. Ka mijëra njerëz që vijnë edhe nga fshatrat,” tha pronari i spitalit.