Gëzim Kelmendi bën thirrje që të shkarkohet dhe arrestohet ambasadori i Kosovës në Francë

Kryetari i Partisë “Fjala”, Gëzim Kelmendi ka reaguar ndaj ambasadorit të Kosovës në Francë, Qëndrim Gashi.

Sipas tij, diplomati kosovari në Paris nuk meriton vetëm të shkarkohet.

Lexoni edhe:

Profiterët e luftës dhe patriotët e rrejshëm po i falin krimet serbe, vrapojnë edhe në negociata për kompromise të dhimbshme me Serbinë

“Ambasadori i Kosovës në Francë Qëndrim Gashi duhet menjëherë të shkarkohet dhe të arrestohet për nxitje të urrejtjes ndërfetare”, ka shkruar ai.

Postim i plotë:

Fyerja e Pejgamberit Muhamed Alejhiselatu ue selam përmes karrikaturave nga ana e ambasadorit të Kosovës në Francë Qëndrim Gashit, është vepër penale dhe e dënuar në bazë të Kodit Penal të Republikës së Kosovës.

Fyerja e Pejgamberit Muhamed Alejhiselatu ue selam është fyerje edhe e popullit të Kosovës që është rreth 96% musliman.

Ambasadori i Kosovën në Francë Qëndrim Gashi duhet ta dijë mirë se ai paguhet nga populli i Kosovës, dhe kjo vepër e tij është shumë e ulët dhe e pamoralshme.

Ambasadori i Kosovës në Francë Qëndrim Gashi duhet menjëherë të shkarkohet dhe të arrestohet për nxitje të urrejtjes ndërfetare.

Nxitja e urrejtjes ndërfetare është vepër e dënuar me Kodin Penal të Republikës së Kosovës.

Nëse heshtë qeveria Hoti, nuk duhet të heshtë prokuroria!

Gëzim Kelmendi

(Kosova Sot Online)