Lexoni edhe:
Ambasadori britanik në Kosovë: Ne e respektojmë dorëheqjen e presidentit Thaçi në interes të Kosovës
Lushtaku: Besoj fuqishëm në pastërtinë e luftës së Hashim Thaçit e Kadri Veselit
Ish-kryetari i Skenderajt, Sami Lushtaku ka reaguar pas konfirmimit të aktakuzës ndaj Hashim Thaçit dhe Kadri Veseli.
Lushtaku përmes një postimi në Facebook tha se beson fuqishëm në pastërtinë e luftës së Hashim Thaçit e Kadri Veselit.
“Konfirmimi i aktakuzave për bashkëluftëtarët Hashim Thaçi dhe Kadri Veseli, është një sfidë e radhës për Ushtrinë Çlirimtare të Kosovës dhe luftën e saj. Ushtria Çlirimtare e Kosovës ka bërë luftë të drejtë dhe të pastër. Besoj fuqishëm në pastërtinë e luftës së Hashim Thaçit e Kadri Veselit. Ata do të dalin fitimtarë nga ky proces”, ka shkruar Lushtaku.
Sot pas konfirmimit të aktakuzës nga Gjykata Speciale, Hashim Thaçi ka dhënë dorëheqje nga pozita e presidentit të Kosovës. Ndërsa, aktakuza iu është konfirmuar edhe Kadri Veselit, i cili po ashtu është larguar nga të gjitha pozitat e tij politike.
(Kosova Sot Online)
