Lexoni edhe:
Hoti mundohet t’ua lehtësoj mbylljen qytetarëve: Do të gjejmë forma kreative për ta kaluar këtë vikend
Ditën kur iu konfirmua aktakuza, Thaçi vizitoi këtë vend të rëndësishëm të kohës së luftës
Më 26 tetor, ditën kur iu konfirmua aktakuza, ish-Presidenti Hashim Thaçi, kishte vizituar një prej kullave ku ishin marrë vendime të rëndësishme gjatë luftës. Bëhet fjalë për Kullën e Rezistencës së familjes Imeri, në fshatin Ozdrim të Pejës.
Për këtë vizitë të tij, ai kishte njoftuar edhe në llogarinë e tij në Facebook.
“Në fshatin Ozdrim, me përfaqësuesit e OVL së UÇK-së e zbuluam Pllakën në Kullën e Rezistencës së familjes Imeri, ku gjatë luftës morëm vendime të rëndësishme. Erdha sot këtu për të treguar respekt për luftën e Ushtrisë Çlirimtare të Kosovës, për rezistencën e Ozdrimit me rrethinë dhe për të gjithë heronjtë, dëshmorët dhe martirët që dha kjo trevë”, kishte shkruar Thaçi.
Ndryshe, aktakuza kundër Hashim Thaçit është konfirmuar më 26 tetor 2020. Ai u transferua në objektin e paraburgimit të Dhomave të Specializuara të Kosovës(DHSK) në Hagë më 5 nëntor.
Paraqitja e tij e parë në sallën e gjyqit të Dhomave të Specializuara të Kosovës në Hagë, do të mbahet më 9 nëntor në orën 15:00.
(Kosova Sot Online)
