Lexoni edhe:
Prokurori Jack Smith: Thaçi i punësoi si këshilltarë dëshmitarët e mundshëm të Speciales
Jusuf Azemi deputetëve: Do të gjykoheni sikurse Qaushesku
Kryetari i Sindikatës së Sektorit Privat të Kosovës, Jusuf Azemi ka thënë se Kuvendi i Kosovës në seancën e djeshme vërtetoi se punëtorët e sektorët privat, trajtohen si skllevër.
Sipas Azemit, mos miratimi i ligjit për rimëkëmbje ekonomike është vrasje direkte për ekonominë e Kosovës e në veçanti për punëtorët e sektorit privat.
Tutje, ai ka thënë se deputetët do i gjykoj historia për këto veprime, ashtu siç u gjykua Nikolae Qausheski.
“Shumë shpejt do vijë koha që historia do ju gjykoj për veprimet e juaja, ashtu siç u gjykua Nikolae Qaushefski, as ai nuk ka bere kurrgjë më shumë se atë që po e bëni ju sot”, ka thënë Azemi.
Komunikata e plotë:
Edhe Parlamenti i Kosovës vërtetoi se Sindikata patë të drejt kur para 4 vitesh tha, se punëtorët e sektorit privat trajtohen si skllevër.
Dje në seancë plenare të Kuvendit të Kosovës, shumë deputetë folën për gjendjen e rëndë të punëtorëve të sektorit privat të Kosovës, bile u shprehen ashtu si u shpreh Sindikata e Pavarur e Sektorit Privat të Kosovës para 4 vitesh, se punëtorët e këtij sektori po trajtohen si skllevër. Që do te thotë se edhe vetë shteti pranoi se në mbrojtjen e te drejtave të punëtorëve jo që nuk investuan por për kundër ishin akter të barabartë me pronarët në diskriminimin e jetës së punëtorëve. Tani pushtetarët dolën hapur treguan pafytyrësinë e tyre që po i bëjnë me decenie ndaj kësaj kategorie të shtypur që po lufton për mbijetesë. Përpos deputetëve të parlamentit edhe Ministri i Punës e tha se s’po mund t’ia dalin me përmirësimin e kushteve të këtyre punëtorëve.
Atëherë shtrohet pyetja, pse rrinë në atë kolltukë kurë nuk kanë rezultate?!, e përgjigjja do te ju shkonte , për ti thithur benificionet e mira të shtetit.
Sa merr një deputet në muaj ne nuk marrim për një (1) vit.
Këta deputet në njërën anë të vajtojnë e në anën tjetër të vrasin.
A nuk është vrasje mos miratimi i ligjit për rimëkëmbje ekonomike, vrasje direkt për ekonominë e Kosovës e në veçanti për punëtorët e sektorit privat.
Shumë shpejt do vijë koha që historia do ju gjykoj për veprimet e juaja, ashtu siç u gjykua Nikolae Qaushefski, as ai nuk ka ber kurrgjë më shumë se atë që po e bëni ju sot.
(Kosova Sot Online)
