Lexoni edhe:
Partia e Isa Mustafës dhe e Kadri Veselit po bashkohen nga frika e shuarjes, koalicion pa parime për ti shpall luftë Vetëvendosjes
Mbi gjysmë milioni euro të parapara për ndërtimin e spitalit në Ferizaj, Qeveria i çon diku tjetër
Qeveria e Kosovës ka vendosur që t’i zhvendos mbi gjysmë milioni euro që ishin paraparë për ndërtimin e objektit të spitalit në Ferizaj.
Nga 527 mijë e 145 eurot, 477 mijë e 154 euro janë transferuar në projektin për blerjen e pajisjeve mjekësore për departamentin e mikrobiologjisë dhe laboratorët testues.
Ndërkaq 50 mijë euro kanë kaluar për projektin “Shërbimi Shëndetësor i Burgjeve, pajisje kapitale”.
“Vendimi i parë i miratuar në mbledhjen e sotme, është propozimi i Ministrisë së Shëndetësisë për transferimin e mjeteve nga programi në kategorinë e shpenzimeve kapitale, projekti “Ndërtimi i objektit të Spitalit në Ferizaj, në shumë prej pesëqind e njëzetë e shtatë mijë e njëqind e pesëdhjetë e katër euro (527,145 ). Nga këto mjete shuma prej 477, 154 (katërqind e shtatëdhjetë e shtatë mijë e njëqind e pesëdhjetë e katër euro) , do të transferohen në kategorinë e shpenzimeve kapitale në projektin “Pajisje mjekësore për Departamentin e Mikrobiologjisë dhe Laboratorët Testuese”; dhe shuma prej 50,000 (pesëdhjetë mijë euro), në kategorinë e shpenzimeve kapitale në projektin “Shërbimi Shëndetësor i Burgjeve, pajisje kapitale” në programin Departamenti Shëndetësor i Burgjeve”, thuhet në komunikatën e Zyrës së Kryeministrit.
(Kosova Sot Online)
