Qytetarët e Lipjanit nuk duan ta dekorojnë qytetin për festat e fundvitit

Komuna e Lipjanit ka vendosur që të mos dekorohet qyteti.

Kjo, pas një sondazhi të zhvilluar ku shumica e qytetarëve janë shprehur kundër ndriçimit për nderë të festave të fundvitit.

“Pas një sondazhi që ka zhvilluar Komuna e Lipjanit me pyetjen se a duhet të dekorohet qyteti në Lipjan për nder të festave të fund vitit, shumica e qytetarëve janë përgjigjur për (JO) që mos të dekorohet qyteti, pasi që aktualisht jemi në kushte të pandemisë Covid-19”, thuhet në njoftimin e Komunës.

Në këtë rast Komuna e Lipjanit merr për bazë vullnetin e qytetarëve dhe vendos që mos dekorohet qyteti për nderë të festave të fund vitit.

Megjithatë, komuna ende nuk ka dalë me ndonjë deklarim zyrtar lidhur me çështjen në fjalë.

(Kosova Sot Online)