Lexoni edhe:
Deputetja e AAK-së e ashpër me Vjosa Osmanin: Refuzoj të më përfaqësosh ti
Agim Veliu reagon pas plagosjes së policit në Veternik
Një pjesëtar i Policisë së Kosovës është plagosur me armë zjarri nga disa persona që po tentonin të grabisnin para nga një bankomat në Prishtinë.
Rasti ka ndodhur në orët e hershme të mëngjesit të së premtes në një qendër tregtare në lagjen Veternik.
Ministri i Punëve të Brendshme, Agim Veliu ka reaguar pas këtij rasti.
Ai tha se sulmet ndaj zyrtarëve policor janë të papranueshme dhe Ministria e Punëve të Brendshme dënon ashpër çdo sulm ndaj zyrtarëve të saj dhe shprehi gatishmërinë që të përkrah punën e palodhshme të tyre.
Postimi i plotë:
Ministria e Punëve të Brendshme dhe unë si Ministër me shqetësim të madh pranuam lajmin për plagosjen e zyrtarit policor sot në mëngjes.
Sulmet ndaj zyrtarëve policor janë të papranueshme dhe Ministria e Punëve të Brendshme dënon ashpër çdo sulm ndaj zyrtarëve të saj dhe shpreh gatishmërinë që të përkrah punën e palodhshme të tyre.
Policia e Kosovës është shembull për punën, përkushtimin, integritetin dhe profesionalizmin jo vetëm në rajon por edhe më gjerë, mirëpo ajo po goditet shumë herë nga ata që për interes kanë de-stabilizimin, kaosin dhe përfitimet nga aktivitetet kriminale.
Secili zyrtar policor është një kujtesë e rreziqeve me të cilat përballet Policia jonë gjatë shërbimit ndaj qytetarëve dhe ruajtjes së rendit dhe sigurisë.
Shoqëria jonë duhet t’i dënojë këto akte dhe të bashkëpunojë ngushtë me Policinë e Kosovës në parandalimin dhe zbulimin e rasteve të tilla.
Zyrtarët policor në baza ditore vënë jetën e tyre në rrezik për mirëqenien tonë andaj respekti, integriteti, profesionalizmi i tyre na bënë krenar dhe obligues të gjithve për mbështetjen dhe ndihmën e pa rezervë për Policinë tonë.
Me këtë rast, unë si Ministër i Punëve të Brendshme i dëshirojë shërim të shpejtë zyrtarit policor, duke uruar që rastet e tilla të mos përsëriten më dhe ofroj mbështetjen time të plotë Policisë së Kosovës dhe organeve të tjera përgjegjëse për zbardhjen e rasteve të tilla sa më shpejtë.
Ju na mbani të sigurtë dhe jepni çdo gjë nga vetja juaj, falemnderit për guximin dhe përkushtimin tuaj!
(Kosova Sot Online)
