Pjesëmarrja e FSK’së në misione paqeruajtëse, reagon ambasada amerikane
Ambasada amerikane në Kosovë ka uruar për votimin e njëzëshëm në Kuvendin e Kosovës që lejon FSK’në të kryejë misione paqeruajtëse jashtë vendit.
Ambasada amerikane ka shkruar në facebook se kjo demonstron se Kosova është e gatshme të vazhdojë përgjegjësinë e saj të përbashkët për paqen dhe sigurinë globale.
“Vota unanime dje në Kuvendin e Kosovës lejon FSK’në të bashkohet me Ushtrinë amerikane në misionet e ardhshme paqeruajtëse ndërkombëtare- duke treguar që Kosova është gati të vazhdojë përgjegjësinë e saj të përbashkët për paqen dhe sigurinë globale”, thuhet në reagimin e ambasadës amerikane në Kosovë.
Kuvendi i Kosovës mbrëmë me 92 vota pro, asnjë abstenim dhe asnjë kundër ka votuar për lejimin e pjesëmarrjes së FSK’së në misione ndërkombëtare paqeruajtëse në kuadër të Gardës Kombëtare të Iowas.
https://www.facebook.com/kosovo.usembassy/posts/5615877691771673(Kosova Sot Online)
