Lexoni edhe:
Dëshpërim në Serbi, ministri i Jashtëm serb tregon se janë munduar shumë që Izraeli të mos e njohë Kosovën
Lukas Mandl: Njohja nga Izraeli mesazh i qartë për shtetet e BE’së që ende s’e kanë pranuar Kosovën
Deputeti i Parlamentit Evropian,austriaku Lukas Mandl, thotë se për të njohja e pavarësisë së Republikës së Kosovës nga ana e Izraelit ka një domethënie të madhe.
Mandl përmes një reagimi në profilin e tij zyrtar në twitter ka thënë se kjo njohje është një mesazh i qartë për shtetet anëtare të Bashkimit Evropian të cilat ende nuk e kanë njohur pavarësinë e Kosovës.
“Shteti i Izraelit do të njohë Republikën e Kosovës që është shteti më i ri në Evropë. Kjo do të thotë shumë për mua meqë e ndjej miqësinë mes Austrisë, Izraelit dhe Kosovës. Është një sinjal i qartë për të gjithë shtetet anëtare të cilat ende nuk e kanë njohur pavarësinë e Kosovës”, ka shkruar Mandl.
Më 1 shkurt Kosova dhe Izraeli edhe zyrtarisht kanë vendosur marrëdheniet diplomatike. Njohja e Kosovës nga Izraeli ka ardhur si rezultat i marrëveshjes së 4 shtatorit e nënshkruar në Uashington në mes të Kosovës dhe Serbisë nën drejtimin e ish-presidentit të SHBA’së Donald Trump.
The State of #Israel will recognize the Republic of #Kosovo, which is the youngest state of Europe. Since I feel friendship between Austria, Israel & Kosovo this step means a lot to me. It is also a clear signal for those EU Member States which have not yet recognized Kosovo. https://t.co/hdzLkGAVsl
— Lukas Mandl (@lukasmandl) February 1, 2021
(Kosova Sot Online)
