Zhytësi publikon fotografi mahnitëse të shpellave nënujore

Një zhytës i guximshëm është futur në thellësinë e një lumi në Meksikë për të bërë fotografi magjepsëse të një labirinti nënujor, i cili në të kaluarën është adhuruar nga fisi Maya.

Martin Broen, 50 vjeç, u fut në thellësi të lumit Riviera Maya në Meksikë për t’i fotografuar hapësirat magjike nënujore, të cilat janë formuar gjatë Epokës së Akullit, miliona vite më parë.

Lexoni edhe:

Dalin rezultatet, kaq vota mori në Pejë Vjosa Osmani me listën e saj

Zhytësi nga Nju Jorku i bëri fotografitë interesante përderisa ishte duke eksploruar 60 sisteme të ndryshme të shpellave mes Playa del Carmenit dhe Tulumit, shkruan Daily Mail.

Në fundin e disa shpellave mund të gjenden edhe eshtra të njeriut dhe të disa kafshëve. Të ashtuquajturat “bunaret e shenjta” janë adhuruar nga fisi Maja dhe nganjëherë janë përdorur për sakrifikimin e njerëzve.

“Për shumë vjet jam munduar që t’i fotografoj bukuritë e sistemeve nënujore të shpellave. Ato mund t’u ofrojnë zhytësve përvoja surreale, të cilat janë më të ngjashme me eksplorimin e hapësirës apo udhëtimin prapa në kohë”, tha zhytësi amerikan.

“Shpellat janë formuar për miliona vjet, gjatë Epokës së Akullit, kur ato kanë qenë të thata. Ato më pas u ruajtën në kohë, kur niveli i detit u rrit dhe shpellat u vërshuan”, shtoi ai.

1 / 6

2 / 6

3 / 6

4 / 6

5 / 6

6 / 6

(Kosova Sot Online)