Protestë në Ankara për të kundërshtuar hapjen e ambasadës së Kosovës në Jerusalem

Disa protestues janë mbledhur para ambasadës së Kosovës në Ankara të martën. Ata kanë treguar pakënaqësi kundër Kosovës e cila hapi ambasadën e saj në Jerusalem.

Në protestën e organizuar nga Organizata e Ndihmës Humanitare (IHH) dhe Sindikata Memur-Sen, morën pjesë aktivistë turq dhe studentë arabë.

Lexoni edhe:

Drejtësia e plogësht e Kosovës ka dështuar, të ngritët edhe një Gjykatës Speciale për krimet serbe të luftës

“Ne besojmë se vendimi e Kosovës për të hapur një ambasadë në Jerusalem do të mbetet si një pikë e zezë në histori”, tha Zahid Sengul një figurë kryesore e Memur-Sen, në një deklaratë për shtyp.

Ata gjithashtu kanë kërkuar nga liderët kosovarë që ta tërheqin vendimin, raporton AA.

“Ashtu siç e mbrojtëm ne Kosovën që na kushtoi me jetë gjatë luftës për pavarësi, ne do të qëndrojmë për shtetin e Palestinës që po lëngon nga pushtimi i Izraelit”, është thënë në deklaratë.

Një studente jordaneze, Jilan Abu al-Rub, që mori pjesë në protestë, tha se ajo dënon ashpër këtë lëvizje të Kosovës.

Kosova ka hapur ambasadën e saj më 14 mars të këtij viti në Jerusalem.

1 / 1

(Kosova Sot Online)