Lexoni edhe:
Pushtetarët e inkriminuar për dy dekada penguan funksionalizimin e drejtësisë së pavarur, e mbajtën peng edhe liberalizimin e vizave
Qytetarët me peticion për shkarkimin e Ardian Kastratit nga stafi akademik i UP-së
Dy peticione online po nënshkruhen nga qytetarët, të cilët po kërkojnë shkarkimin e Ardian Kastratit nga stafi akademik i UP-së.
Këto nisma vijnë pasi një ditë më parë Kastrati duke cituar Faik Konicën foli për një grua me peshë, deklaratë kjo që nxiti shumë reagime. Teksa nga presioni i reagimeve, Kastrati edhe u detyrua ta fshijë atë postim.
“Peticion per largim nga stafi akademik i UP te Prof. Adrian Kastratit”, është peticioni i parë.
“TË LIROHET MENJËHERË NGA DETYRA PROFESORI ARDIAN KASTRATI”, është peticioni i dytë.
Për deklaratën e tij, sot në oborrin e rektoratit të UP’së pritet të protestohet duke u kërkuar përjashtimi i Ardian Kastratit, i cili në këtë universitet është profesor.
Lidhur me të gjitha këto reagime, media ka tentuar të marrë një prononcim nga vetë Kastrati por i njëjtti nuk është përgjigjur akoma.
Gjithashtu për rastin nuk është deklaruar askush nga PDK-ja.
(Kosova Sot Online)
