Lexoni edhe:
Angazhimet e Qeverisë së re për krimet serbe të luftës, të fillojnë prej zeros
Qeni Husky e shpëton të porsalindurin e braktisur në një park në Britani
Shumë njerëz e kanë lavdëruar një qen të racës Husky, të quajtur Hel, i cili gjeti një foshnjë të porsalindur të gjinisë mashkullore, që ishte braktisur në një park në Birmingham të Britanisë së Madhe.
Inxhinieri 64-vjeçar, Terry Walsh, ishte i mahnitur, kur qeni i tij gjeti një foshnjë që ishte lindur vetëm para disa orësh e që ishte mbështjellë me një batanije në parkun “The Mound” më 22 prill.
Ai tha se beson që Hel-i është “dërguar nga parajsa” për ta shpëtuar djaloshin e porsalindur, të cilit i ishin veshur rroba 1-funteshe, kur u gjet në park, shkruan Daily Mail.
Rrobat që i ishin veshur foshnjës së braktisur në park
Pa reagimin e qenit, Walsh thjesht ka mundur ta vazhdojë ecjen në park, sepse kishte menduar se ka parë një batanije të hedhur.
Për fat të mirë, ai e dëgjoi foshnjën duke qarë pasi qeni vrapoi drejt tij, u shtri afër dhe filloi ta prekte me hundë.
Fëmija u dërgua shpejt në spital dhe policia po mundohet që ta gjejë nënën e tij. Raportohet se djali është në gjendje të mirë.
(Kosova Sot Online)
