Zjarr masiv në një ndërtesë shumëkatëshe

E. /
07 May 2021 - 12:23

Njëqind zjarrfikës po luftojnë me një zjarr të madh që është përhapur në disa kate të një ndërtese shumëkatëshe në Londër.

Ekipet e zjarrfikësve me rreth 20 kamionë për shuarjen e zjarrit kanë shkuar në vendin e ngjarjes në New Providence Wharf, pas shpërthimit të zjarrit të premten në mëngjes.

Lexoni edhe:

Rritet frikshëm numri i shqiptarëve që do të dëshmojnë kundër UÇK-së në Gjykatën Speciale

Brigada Londineze e Zjarrfikësve u njoftua pas orës 9 të mëngjesit për zjarrin dhe prej asaj kohe është duke e luftuar atë. Raportohet se zjarri është përhapur në katin e tetë, të nëntë dhe të dhjetë.

Deri në këtë fazë, shkaku i zjarrit në ndërtesën e lartë ende nuk është i njohur, shkruan Daily Mail.

Raportohet se dëshmitarët nuk u njoftuan për zjarrin nga sistemi i alarmit për më shumë se gjysmë ore. Një banor tha se e vërejti fatkeqësinë vetëm pasi u zgjua nga gjumi dhe e nuhati tymin.

Besohet se ndërtesa që u kaplua nga zjarri është e veshur me të njëjtin material si ndërtesa “Grenfell Tower”, e cila në vitin 2017 ishte përfshirë nga zjarri masiv, duke shkaktuar 72 viktima.