Parashikimi i motit për javën e fundit të majit dhe ditët e para të qershorit

Prishtina Weather ka njoftuar për motin që pritet të mbajë në ditët e fundit të muajit maj. Të shtunën pushim nga të reshurat, derisa nga e diela më freskët dhe me reshje të dobëta shiu.

Në fillim të javës mbetet më freskët, e do të mbajë mot i ndryshueshëm, me vransira e intervale me diell, e ku gjatë orëve të pasdites priten mundësi edhe për rrebeshe të shkurta shiu me bubullima. 

Lexoni edhe:

Zbulohet agjenda e plotë e protokolit të vizitës së përbashkët përfaqësuesve nga SHBA dhe BE, Palmer e Lajçak në Kosovë

Nga dita e mërkurë, sipas parashikimeve të fundit vije deri te një përmirësim i motit, e nga dita e enjte me më shumë diell.

Cilësia e ajrit do të jetë përreth vlerave të mira dhe të pranueshme. 

Indeksi i rrezeve UV mbetet në vlera të larta në fundjavë, ku në këto raste preferohet të reduktohet qëndrimi në rrezet e diellit orëve të mesditës, e në fillim të javës zbret në vlera mesatare.

29.05 – Më ngrohtë.  Në mëngjes kryesisht me diell.  Ditën vransira dhe intervale me diell, por pa të reshura.

30.05 – Më ftohtë, kryesisht vranët, e gjatë ditës kohëpaskohe me reshje të dobëta shiu.

31.05 – Kryesisht me vransira dhe intervale me diell gjatë ditës.  Priten rrebeshe të shkurta shiu me bubullima.

1.06 – Vransira e intervale me diell.  Pasite me mundësi për rrebeshe të dobëta shiu e bubullima.

2.06 – Pjesërisht vranët.

Temperaturat e ajrit pas një rritjeje ditën e shtunë, nga e diela pësojnë rënie nën vlera mesatare.  Minimalet zbresin në 7C, e të mërkuën edhe në 5C.  E maksimalet nga 22C të shtunën, zbresin në 15C ditën e diel, e mbesin të ulëta deri ditën e mërkurë kur shënojnë rritje deri në 20C.

Era do të fryj e lehtë dhe mesatare kryesisht nga krahu verior 3-9m/s.

Shtypja atmosferike me tendencë të rënies përreth vlerave normale.

(Kosova Sot Online )