Lexoni edhe:
Në Gjakovë konfiskohen 1 mijë litra alkool të prodhuara ilegalisht
Policia në Ferizaj kontrollon 339 vetura, gjobit 167 persona
Drejtoria Rajonale e Policisë në Ferizaj , në kuadër të planit operativ‘’Siguria në komunikacionin rrugor 2021’, ka aktivizuar ‘’Task Forcën’’, e përbërë prej disa njësive: njësisë së biçiklistëve, motoçiklistëve ( skuterëve), njësisë së komunikacionit rrugor dhe patrulla të stacionit policor të Ferizajt.
Policia në Ferizaj ka kontrolluar 339 vetura, ka gjobitur 167 persona, ka inicuar 2 raste dhe ka konfirkuar 3 automjete.
Qëlllimi i kësaj ‘’Task Forca’’ është parandalimi i aksideneteve të komunikacionit rrugor, kontrollimi dhe rregullimi i komunikacionit, si dhe ndëshkimi i kundërvajtësve në komunikacionin rrugor , bazuar në ligjin e komunikacionit.
Sipas policisë, këto masa, janë shtuar, shkak i rritjes së numrit të aksidenteve, si dhe kundërvajtjeve të shumta në komunikacion rrugor.
Ndërkaq, në kuadër të këtyre aktiviteteve, është ndaluar një person A.M ( M/SH/K) , 22 vjeçar, i kërkuar me urdhëresë të Gjykatës Themelore të Ferizajt, për veprën penale ‘’Lëndim i rëndë trupor’’.
I njejti , pas kompletimit të dokumentacionit është dërguar në vuajtje të dënimit për 6 muaj.
“Drejtoria Rajonale e Policisë në Ferizaj, do të vazhdojë me aktivitete të tilla, me masa të shtuara në parandalim të incidenteve dhe aksidenteve në komunikacionin rrugor. Tani, që pritet të kemi fluks më të madh të qarkullimit të njerëzve dhe automjeteve në rrugë , ‘’Task Forca ‘’ do të jetë në rrugë çdo ditë , deri në përfundim të sezonit veror , për të monitoruar dhe kontrolluar komunikacionin rrugor”, thuhet nga Pk.
(Kosova Sot Online)
