Lexoni edhe:
Radhë e gjatë e qytetarëve para komunës së Prishtinës, reagon Imer Mushkolaj: Marre
Kaos në Mal të Zi për shkarimin e ministrit, kryeministri Krivokapiq e lë seancën e Kuvendit
Kryeministri i Malit të Zi, Zdravko Krivokapiq tha se ai nuk do të jepë dorëheqje.
Krivokapiq këtë ua tha gazetarëve në sallën e Parlamentit të Malit të Zi, pasi u largua nga seanca në të cilën u diskutua iniciativa e tij për shkarkimin e ministrit të Drejtësisë, të Drejtave të Njeriut dhe Pakicave, Vladimir Leposaviq, për shkak të deklaratave të tij se në Srebrenicë nuk kishte masakër.
Ai shtoi se rruga është e qartë: “Ju mund të kërkoni besim te Qeveria ose mund të shkoni në zgjedhje të reja”, raporton RTCG.
Krivokapiq vlerësoi se mund të ketë ardhur koha që Mali i Zi të zgjedhë, siç deklaroi ai, rrugën më të mirë.
“E vetmja mënyrë që mund ta çojë Malin e Zi drejt një të ardhme më të sigurt është ajo që po bëjnë viktimat, dhe këta janë anëtarët e Qeverisë, mbi të cilën unë, për koincidencë, jam përgjegjës”, tha Krivokapiq.
Duke folur në lidhje me nismën për shkarkimin e Leposaviqit, ai tha se propozoi “atë që është krejtësisht e natyrshme”, dhe kjo është që të kërkojë një deklaratë besimi nga ai.
Deputeti dhe një nga udhëheqësit e Frontit në pushtet Demokrat, Milan Knezeviq, i tha Krivokapiqit në një debat parlamentar se cilido qoftë rezultati i votimit mbi shkarkimin e ministrit Vladimir Leposaviq, ai nuk do të jetë më kryeministër.
“Nëse e zëvendësoni Leposaviqin me dikë nesër, ju nuk jeni kryeministër, edhe nëse nuk e zëvendësoni atë, ju nuk jeni më kryeministër”, tha Knezeviq.
Anëtarët e Parlamentit të Malit të Zi duhet të vendosin sot për iniciativën për shkarkimin e ministrit Leposaviq.
(Kosova Sot Online)
