Lexoni edhe:
Studimi në SHBA: Rreth 25% e pacientëve me COVID-19 përjetojnë simptoma afatgjata të sëmundjes
IPK rekomandon suspendimin e tre policëve për rastin e një punishte në Drenas
Inspektorati Policor i Kosovës respektivisht hetuesit e Departamentit të Hetimeve të IPK-së kanë rekomanduar suspendimin e tre zyrtarëve policorë.
Hetuesit e IPK-së janë duke hetuar një rast ku të dyshuar janë tre zyrtarë policor (një zyrtar policor me gradën e nënkolonelit, një rreshter policor dhe një zyrtar policor) me dyshimin se të njëjtit kanë kryer veprën penale “Keqpërdorimi i detyrës dhe autoritetit zyrtar”.
“Bazuar në hetimet e deritashme ekziston dyshimi se zyrtarët policorë nuk kanë raportuar prova dhe fakte për të cilat ata kanë rënë në dijeni gjatë kryerjes së detyrës zyrtare lidhur me një punishte në Drenas”, njofton IPK.
Rekomandimi për suspendim është bërë në interes të procedurës hetimore përderisa hetuesit e IPK-së pritet të ndërmarrin edhe veprime tjera hetimore për këtë rast në koordinim me prokurorin e shtetit.
(Kosova Sot Online)
