Lexoni edhe:
Sulmet e hakerëve rusë, Biden e telefonon Putinin dhe ka një kërkesë për Moskën
Digjet lokali në Vushtrri, roja rrëfen se si u sulmua nga keqbërësit
Policia e Kosovës po heton rastin, pronari thotë se humbën mijëra euro investime.
Kjo është gjendja e lokalit i cili u hap para dhjetë dite në komunën e Vushtrrisë.
Ai u dogj tërësisht një natë më parë.
Madje nga kjo djegie rrezikohej të pësonte e gjithë ndërtesa në qoftë se flaka do të kaplonte edhe bombolat e gazit.
Por, pos kësaj është dikush që nuk shpëtoi mirë nga kjo ngjarje.
Rexhep Gashi, 71-vjeçar, atë natë po bënte rojë në lokal.
Ai tregon sesi u sulmua nga tre persona të cilët hynë e pastaj edhe e dogjën lokalin.
71-vjeçari thotë se tanimë ai ka marrë traumë mendore nga frika që e përjetoi.
Tash pronari i këtij lokali po përkujdeset që gjërat e vetme që shpëtuan t’i pastrojë.
Bekim Shala thotë se i humbi 120 mijë euro investim nga kjo ndodhi.
Ai shton se rastin menjëherë e kanë raportuar në polici.
E nga Policia Rajonale e Mitrovicës kanë thënë se një rast i tillë është duke u hetuar.
Sipas Policisë, rasti është iniciuar dhe po hetohet për veprën penale shkaktim i rrezikut të përgjithshëm.
(Kosova Sot Online)
