Lexoni edhe:
“Nuk luajmë nga këtu” – pushuesit qëndrojnë në plazhin e Vlorës edhe pas të shtënave me armë
“Është shumë vonë”, mjekja amerikane tregon se pacientët me Covid e lusin për vaksinë në prag të vdekjes
Ajo që qeveria amerikane po e quan “pandemia e të pavaksinuarve” po shfaqet në mënyra të dhimbshme pasi disa e kuptojnë tepër vonë se do donin ta kishin marrë vaksinën.
Të paktën 99% e personave që vdiqën nga koronavirusi në SHBA në gjashtë muajt e fundit nuk ishin vaksinuar, ka thënë Rochelle Walensky, drejtor i Qendrave për Kontrollin dhe Parandalimin e Sëmundjeve (CDC).
Në vende të tilla si Alabama, vetëm 33% e njerëzve që mund të marrin vaksinën ishin vaksinuar plotësisht, që nga 20 korriku, shkruan The Guardian.
Të hënën, një mjek në një spital në Birmingham, Alabama, Brytney Cobia, tha se të gjithë, përveç një prej pacientëve në qendrën mjekësore Grandview nuk morën vaksinën, i tha ajo Birmingham News.
“Po pranoj njerëz të rinj dhe të shëndetshëm në spital me simptoma të theksuara të Covid-19”, shkroi Cobia në një postim në Facebook të Dielën.
“Një nga gjërat e fundit që ata bëjnë para se të intubohen është të më luten për vaksinën. Unë ua mbaj dorën dhe u them se më vjen keq, por është tepër vonë, ”shtoi ajo.
Zyrtarët e shëndetit publik të Alabama kohët e fundit raportuan se 96% e Alabamianëve që kanë vdekur nga Covid që nga Prilli nuk ishin vaksinuar plotësisht.
Midis njerëzve që i nënshtrohen sëmundjes vdekjeprurëse janë ata që gjithnjë e më shumë po infektohen nga varianti Delta i koronavirusit, i cili është shumë më ngjitës sesa origjinali.
Varianti tani përbën 83% të rasteve të reja në SHBA., sipas Walensky.
“Kjo është një rritje dramatike, nga 50% për javën e 3 korrikut,” tha ajo.
Sipas CDC, njerëzit që kanë pasur Covid-19 ende mund të marrin vaksinën, por disa të duhet të presin 90 ditë në varësi të trajtimit që kanë marrë.
(Kosova Sot Online)
