Lexoni edhe:
Qeveria t’ i bëjë ftesë Prokurorisë Speciale për t’i hetuar qerdhen kriminale të ndërtuar nga shefi i inteligjencës financiare, Dardan Nuhiu!
Prishet gypi i oksigjenit, vdesin nëntë pacientë me Covid-19
Nëntë pacientë me koronavirus kanë vdekur në një spital rus të qytetit jugor, Vladikavkaz, pasi një gyp oksigjeni shpërtheu nën tokë, duke e ndërprerë furnizimin në repartin e kujdesit intensiv, raportuan agjencitë ruse të lajmeve.
“Nëntë pacientë me koronavirus vdiqën për shkak të mungesës së oksigjenit”, raportoi agjencia TASS të hënën, duke e cituar Ministrinë e Shëndetësisë.
“Gjithsej 71 persona ishin në kujdesin intensiv, jo të gjithë patën furnizim me oksigjen”, e citoi kjo agjenci Ministrinë e Shëndetësisë.
Autoritetet rajonale janë pajtuar që Ministria e Mbrojtjes t’i furnizojë të gjitha spitalet e qytetit me oksigjen nga qyteza Mozdok, rreth 80 kilometra në veri të Vladikavkazit, shkruan Free Europe.
“Pati një shpërthim të gypit të oksigjenit nga rezervuari, i cili ndodhet nën tokë, dhe furnizimi me oksigjen u ndërpre”, tha ushtruesi i detyrës së kryetarit të Osetisë Veriore.
Ndryshe, Rusia ka shënuar disa incidente në spitalet me koronavirus, duke çuar në vdekjen e pacientëve gjatë pandemisë. Në mesin e incidenteve kishte shpërthim të zjarreve në spitale.
(Kosova Sot Online)
