Lexoni edhe:
Çfarë dihet deri tash për variantin Mu?
U tha se Vjosa Osmani fajësoi autoritetet zvicerane për (mos)vaksinimin e kosovarëve, reagojnë nga presidenca
Shefi i kabinetit të presidentës Osmani, Bekim Kupina ka reaguar lidhur me titullin e mediave për kritikat e Vjosa Osmanit ndaj autoriteteve zvicerane për (mos) vaksinimin e kosovarëve në vendin ku ata jetojnë e veprojnë.
Sipas Kupinës, Vjosa Osmani nuk e ka fajësuar Zvicrën për mërgimtarët tanë të infektuar me Covid-19, porse ka apeluar për vaksinimin e të gjithëve.
Më poshtë edhe postimi i plotë.
Sqarim
Presidentja e Republikës së Kosovës, Vjosa Osmani, në një deklarim të saj për mediumin zviceran “Blick”, nuk e ka fajësuar Zvicrën për mërgimtarët tanë të infektuar me Covid-19, porse ka apeluar për vaksinimim të të gjithëve.
Për më tepër, zonja Osmani ka theksuar se nuk është koha për akuza reciproke, porse për angazhim të përbashkët për vaksinim masiv të të gjithë qytetarëve në Zvicër, por edhe në Kosovë.
Devijimi i deklarimit të Presidentes Osmani vetëm sa i kontribuon negativisht angazhimit për vaksinim.
Nxjerrja jashtë kontekstit e kësaj deklarate shkakton dëme edhe në kontekstin kosovar, teksa përballemi me rritjen e ndjeshme të rasteve të të infektuarve, fatkeqësisht edhe të vdekjeve, prandaj mesazhi i Presidentes është fort i qartë: Vaksinimi shpëton jetë. Vaksinohuni, në Zvicër, në Kosovë, në gjithë botën!
Të gjithë kemi të drejtë të informohemi dhe atë shpejtë, por para se gjithash saktë!
(Kosova Sot Online)
