Lexoni edhe:
Anthony Fauci: Ka gjasë që do të nevojiten tri doza për mbrojtje të plotë
Zgjatet afati i masave për ata që ia mësyjnë Suedisë, vlejnë edhe për Kosovën
Suedia ka vendosur për ndalimin e hyrjes në këtë shtet pa një certifikatë COVID-19, kjo për të parandaluar virusin të hyjë në vend ose të përhapet në shtete të tjera.
Një ndalim i përkohshëm i hyrjes nga shtetet e BE/EEA dhe disa shtete të tjera ka qenë në fuqi që nga shkurti.
Që nga 30 qershor, rregullorja suedeze është përshtatur me rregulloren e BE -së për një certifikatë COVID. Kështu ka njoftuar ambasada e Suedisë, përmes një njoftimi.
“Kjo nënkupton ndalimin e hyrjes për udhëtimin në Suedi nga shtetet e BE/EEA nëse nuk mund të paraqitet një certifikatë vaksinimi, një certifikatë testimi, një certifikatë që konfirmon shërimin nga COVID-19 ose një certifikatë përkatëse. Qeveria ka vendosur të zgjasë këtë rregullore deri më 31 tetor 2021.
Hyrja nga Danimarka, Finlanda, Islanda dhe Norvegjia nuk i nënshtrohet asnjë kufizimi hyrjeje”, thuhet në njoftimin e tyre.
Një ndalim i përkohshëm për udhëtimet jo thelbësore nga vendet jashtë BE/EEA në Suedi, i vendosur pas një thirrje nga Këshilli Evropian dhe Komisioni Evropian, ka qenë në fuqi që nga marsi i vitit 2020.
Që nga shkurti, ndalimi ka përfshirë një kërkesë për të paraqitur një certifikatë që verifikon një rezultat negativ të testit COVID-19 për hyrje në Suedi.
Për të udhëtuar në Suedi nga vendet jashtë BE/EEA, duhet të mbuloheni nga të paktën një nga përjashtimet nga ndalimi i hyrjes dhe gjithashtu të jeni në gjendje të paraqisni një test negativ COVID-19 ose të përjashtoheni nga kërkesa e testit.
Qeveria ka vendosur të zgjasë ndalimin e udhëtimit deri më 31 tetor 2021.
(Kosova Sot Online)
