Lexoni edhe:
Qytetarët janë lodhur nga sundimtarët që Kosovën e shndërruan në pronë private!
Ky vend këtë muaj do ta nisë dhënien e dozës së tretë të vaksinës
Ministri italian i Shëndetësisë, Roberto Speranza, ka njoftuar se doza e tretë e vaksinës kundër Covid-19 do të jetë e gatshme pëër grupet e ndjeshme këtë muaj.
“E kemi dozën e tretë në Itali. Do të fillojmë në shtator me pacientët e ndjeshëm si në onkologji dhe pacientët me transplante”, tha Speranca.
Ai gjithashtu sugjeroi që Italia së shpejti mund ta bëjë të detyrueshëm vaksinimin për të rriturit, siç u la të kuptohet javën e kaluar në një konferencë për gazetarë nga Kryeministri Mario Draghi.
Draghi tha se italianëve mund t’iu bëhet i obligueshëm vaksinimi posa Agjencia Evropiane e Ilaçeve ta japë miratimin e saj të kushtëzuar për katër vaksina, shkruan The Guardian.
Ministri italian i Administratës Publike, Renato Brunetta, tha se nëse vendi nuk e arrin së shpejti shkallën e vaksinimit në 80 deri 90 për qind, qeveria do të miratojë një ligj për ta bërë vaksinimin të detyrueshëm për të gjithë ata që e kundërshtojnë. “Një vendim do të merret në fund të muajit”, tha ai.
Ndryshe, sipas Agjencisë Kombëtare të Statistikave, jetëgjatësia mesatare në Itali ka rënë për 1.2 vjet vitin e kaluar për shkak të pandemisë. Italia është e dyta në botë, pas Japonisë, sa i përket përqindjes së popullsisë së moshuar.
(Kosova Sot Online)
