Prindërit rrahin mësuesin kosovar, flet drejtori i shkollës: E kanë rreh për kurgjë hiç

Ushtrimi i dhunës në shkolla edhe më tej vazhdon të jetë një fenomen shqetësues.

Përparim Qahili, mësimdhënës në shkollën fillore “28 Nëntori” në Vërban të Vitisë, ka qenë objekt i dhunës nga një grup i prindërve.

Lajmin e ka konfirmuar edhe drejtori i kësaj shkolle Sherif Neziri.

Ky i fundit çuditërisht kërkon që ‘dajaku’ ndaj mësimdhënësit të mbyllet si kapitull dhe mos të diskutohet më shumë.

“Po ka ndodh, e kanë rreh për kurgjo hiç. Për rastin është njoftuar edhe policia e Kosovës. Le të mbyllet ky kapitull këtu.”, ka thënë ai shkurt për Indeksonline, pa dashur të proncohet më shumë.

Sipas disa burimeve shkak i gjithë kësaj kanë qenë mosmarrëveshjet mes disa nxënësve dhe Qahilit, shkruan Indeksonline. Për rastin në fjalë është informuar edhe policia e Kosovës.

(Kosova Sot Online)