Sekretarja e shkollës akuzohet se kreu marrëdhënie orale me nxënësin

Një sekretare e shkollës në Alabama në Shteteve të Bashkuara është akuzuar se ka kryer marrëdhënie seksuale me një nxënës të mitur.

Autoritetet në distriktin Coffee të martën e arrestuan Martha Sasser Pope-n, 43 vjeçe, nën akuzën për përfshirje në akt seksual me nxënës duke qenë punëtore e shkollës, shkruan Daily Mail.

Sipas dokumenteve, Pope dyshohet se është përfshirë në akt seksual oral me një nxënës më 10 shtator. Një burim i paidentifikuar i tha një mediumi lokal se nxënësi ishte një djalë 16 vjeç.

Nuk janë dhënë hollësi rreth marrëdhënies së dyshimtë të sekretares me të miturin. Në ankesën kriminale nuk thuhet se si është zbuluar veprimi i sekretares.

Pope u lirua nga burgu rreth një orë pas arrestimit, pasi dha 5.000 dollarë si dorëzani.

Drejtori i shkollës “Elba”, Chris Moselley, tha se Pope është dërguar në pushim administrativ në pritje të rezultatit të hetimeve.

Bordi i shkollës pritet të zhvillojë një takim javën e ardhshme për të diskutuar rreth dyshimeve për sjelljet e sekretares.

(Kosova Sot Online)