Lexoni edhe:
Dëshmitarja në rastin Gucati-Haradinaj: “Paketa 3” përmbante emra të dëshmitarëve të mbrojtur
Kuvendi me mocion procedural shtyn shqyrtimin e projektligjit për festa zyrtare
Me 67 vota pro, Kuvendi i Kosovës mori vendim ta miratojë mocionin procedural për shtyrjen e shqyrtimit të parë të Projektligji për ndryshimin dhe plotësimin e Ligjit për Festat Zyrtare.
Kjo pikë pritet të diskutohet në seancat e ardhshme të Kuvendit.
Kujtojmë se deputetët e Kuvendit të Kosovës kanë miratuar në parim Projektligjin për bashkëpunim juridik ndërkombëtar në çështjet civile me 80 vota për, asnjë kundër dhe asnjë abstenim.
Në seancën e sotme, ku janë duke u shqyrtuar 20 projektligje, është miratuar në parim edhe Projektligji për ndryshimin dhe plotësimin e Ligjit për bashkëpunim juridik ndërkombëtar në çështje penale me 66 vota për, asnjë kundër dhe asnjë abstenim.
Para kësaj pike në rend dite ishte edhe Projektligji për ndryshimin dhe plotësimin e Ligjit për festat zyrtare në Republikën e Kosovës e cila u shty.
(Kosova Sot Online)
