Lexoni edhe:
Heshtja e Shpend Ahmetit për skandalin me pronën publike në Dardani është përpjekje për ikje nga përgjegjësia penale dhe ndëshkimi me burg
Plagosja mbrëmë në Prishtinë, arrestohet një 60-vjeçar
Tashmë Policia e Kosovës ka identifikuar të dyshuarin për gjuajte me armë zjarri në “Ulpianë” ku mbeti i plagosur një person.
Zëdhënësi i Policisë së Kosovës për Rajonin e Prishtinës, Agron Borovci ka treguar se i dyshuari është një 60 vjeçar, i cili me urdhër të prokurorit është dërguar në mbajtje.
“Ndërlidhur me rastin e mësipërm veprimet hetimore të policisë kanë rezultuar me identifikimin e personit të dyshuar, mashkull 60 vjeç. I njëjti me aktvendim mbi ndalimin e personit të dyshuar të nxjerrë nga ana e prokurorit të shtetit është dërguar në mbajtje prej 48 orësh, për tu proceduar më tej. Po ashtu është sekuestruar edhe një revole e llojit Beretta, që dyshohet të jetë përdorur në rastin në fjalë si dhe tre copë fishek”, ka treguar Borovci.
Ndërkohë që mbrëmë rreth orë 22:00 është raportuar për një gjuajtje me armë zjarri në lagjen “Ulpiana” në Prishtinë.
“Rreth orës 22:00 është raportuar për një gjuajtje me armë zjarri në lagjen Ulpiana në Prishtinë. Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karaketrizojnë rastin. Informatat e para flasin se një person ka mbetur i lënduar nga kjo ngjarje përderisa i dyshuari është larguar nga vendi i ngjarjes. Aktualisht po vijon puna policore për identifikimin e të dyshuarit si dhe lokalizimin e vendndodhjes së tij”, tregoi mbrëmë Borovci.
(Kosova Sot Online)
