“Kam patur bisedë të tensionuar”, Ali Ahmeti tregon çfarë i tha Zaevit para se të dorëhiqej

Kryetari i BDI-së në Maqedoninë e Veriut, Ali Ahmeti thotë se mbrëmjen e djeshme ka patur një bisedë të tensionuar me Zoran Zaev, i cili njoftoi dorëheqjen pas humbjes në zgjedhjet lokale. Sipas Ahmetit, Zaev nuk duhet të lërë postin e kryeministrit, pasi siç u shpreh ai ka marrë besimin e qytetarëve për të qeverisur vendin.

Mbrëmë kam pasur bisedë të tensionuar me Zaevin, pasi nuk jam pajtuar me lëvizjet e tij që ka bërë me tërheqjen nga kryetar i Qeverisë dhe kryetar i LSDM-së. Këto janë zgjedhje lokale, dhe ke plot shembuj nëpër botë që zgjedhjet lokale i fiton dikush tjetër e parlamentaret dikush tjetër. Ne kemi marrë besimin për të drejtuar shtetin”, tha kryetari i BDI-së, Ali Ahmeti.

Pas humbjes në raundin e dytë të zgjedhjeve lokale në Maqedoninë e Veriut, Zoran Zaev në një konferencë për mediat njoftoi dorëheqjen nga posti i kryeministrit dhe kryetarit të partisë.

(Kosova Sot Online)