Lexoni edhe:
Asnjë i vdekur, 11 raste të reja me koronavirus në Kosovë
Vetëvendosje në Vushtrri del me qëndrim për balotazhin!
Lëvizja Vetëvendosje në Vushtrri ka dalë me qëndrim për zgjedhjet e 14 nëntorit.
Sipas një kumtese të lëshuar për media, kjo parti ka theksuar se nuk e mbështet asnjërin nga kandidatët për kryetar komune në balotazhin në Vushtrri!
Njoftimi i plotë:
KOMUNIKATË!
Lëvizja VETËVENDOSJE! nuk mbështet asnjërin nga kandidatët për kryetar komune në balotazhin në Vushtrri!
Të dashur qytetarë të Vushtrrisë, aktivistë e anëtarë të Lëvizjes VETËVENDOSJE!
Në garën për kryetar komune të dt 17 tetor 2021 ne garuam me kandidatin tonë të respektuar Prof dr Arsim Rexhepi, me programin që do ofronte zgjidhje për shumicën e problemeve që ka qyteti ynë dhe qytetarët në secilën lagje e fshat, me një listë prej njerëzve të ndershëm e profesionist që do ishin garancë për realizimin e zotimeve tona programore.
Megjithatë rezultati zgjedhor na renditi në pozitën e tretë. Si organizatë politike e përgjegjshme ne e falënderojmë secilin qytetarë që ka besuar në vizionin tonë. Vizioni ynë do mund realizohej vetëm duke qenë ne fituesit e garës dhe prijësit e komunës. Ky nuk është rasti tashmë. Ne marrim përgjegjësinë për aq sa na është dhënë, opozitarizmi konstruktiv tashmë është detyra jonë.
Përvoja na mësoj që mbështetja për një kandidat tjetër nuk garanton as minimumin e mundësisë që realizimi programor në të mirë të qytetarëve respektohet, përkundrazi bëhen pengesa e obstruksione vetëm e vetëm që dallimi në rezultate të punës të mos i linte të padukshme resoret që udhëhiqte i mbështeturi! Ato resore pastaj u bënë të famshme për keqpërdorime ndërsa ndershmëria e Lëvizjes VETËVENDOSJE! me resoret që udhëhiqte u bë e padurueshme dhe pengesë e korrupsionit deri në largim nga koalicioni.
Ne vlerësojmë që qytetarëve të Vushtrrisë nuk iu ka mbetur mundësi e mirë për të zgjedhur. Dy subjektet e mbetura në garë nuk përbëjnë ndryshim, ato kanë mendësi të njejt qeverisje me akterë të korruptuar dhe pavarësisht ishin pozitë apo opozitë proceset e dëmshme për Vushtrrinë i kanë bërë bashkërisht, andaj nuk meritojnë përkrahjen e anëtarëve e mbështetësve të Lëvizjes VETËVENDOSJE!
Jemi të sigurt që e ardhmja e Vushtrrisë dhe Lëvizjes VETËVENDOSJE! janë të lidhura ngushtë andaj ne do angazhohemi për zhvillimin e të dyjave.
(Kosova Sot Online)
