Lexoni edhe:
Kosova në tavolinë të dialogut me Serbinë vetëm me vendimin e Gjykatës Ndërkombëtare të Drejtësisë për legjitimimin e pavarësisë së shtetit!
Vuçiq: Mesazh i rëndësishëm nga BE-ja për formimin e Asociacionit, mungon veprimi konkret
Presidenti i Serbisë, Aleksandar Vuçiq, ka thënë sot se nuk ka pritur asgjë nga bisedimet Kosovë-Serbi në Bruksel, por se çdo progres ka qenë i mirë. Ai tha se i vlerëson si të arsyeshme mesazhet e BE-së për zbatimin e marrëveshjes për Asociacionin.
I pyetur se çfarë pret nga bisedimet e sotme në Bruksel, nëse do të sjellin ndryshim në dialog, Vuçiq tha se Beogradi është gjithmonë i gatshëm për bisedime dhe se ato janë gjithmonë më të mira se kur nuk flasin.
“Duke pasur parasysh entuziazmin e liderëve shqiptarë, nuk mund të presësh asgjë”, tha ai.
Presidenti serb e vlerësoi thirrjen e BE-së për respektimin e marrëveshjes për Asociacionin si mesazh të mirë, racional dhe të arsyeshëm. Megjithatë, ai tha se mungon një veprim konkret.
“Ky është një mesazh i rëndësishëm, veçanërisht me rastin e formimit të Asociacionit”, tha ai.
I pyetur për deklaratat e kryeministrit të Kosovës, Albin Kurti se duhet të ketë njohje reciproke, Vuçiq tha se Kurti i injoron faktet.
“Problemi nuk është në një akt juridik, por në fakte që Kurti nuk i kupton. Ndryshe nga ata, unë nuk dua të marr pjesë çdo ditë në sulme ndaj shqiptarëve për ta rritur numrin e votave në Serbinë qendrore. Nuk më intereson diçka e tillë”, tha Vuçiq.
(Kosova Sot Online)
