Lexoni edhe:
Alarmi qe vjen nga miqtë ndërkombëtar - shteti në rrezik nga drejtësia e dështuar përballë krimit të organizuar!
Deputetja e LDK-së: Është vështirësuar ekzistenca për shumë familje, çmimet janë të papërballueshme
Deputetja e Lidhjes Demokratike të Kosovës, Rrezarta Krasniqi ka adresuar një sërë kritikash ndaj Qeverisë.
Ajo ka përmendur me theks rritjen e çmimeve të produkteve në Kosovë, duke rikujtuar se kryeministri Albin Kurti kishte premtuar rritje të pagës minimale.
“Nuk e di a jeni në dijeni ju si qeveri për rritjen e çmimeve. Është vështirësuar ekzistenca për shumë familje, sepse çmimet janë bërë të papërballueshme, marrë parasysh edhe të ardhurat që ata i kanë qoftë nga puna që e bëjnë në sektorin privat, ku paga minimale është 170 euro”, tha Krasniqi.
Paraprakisht, ajo tha se Qeveria ishte angazhuar në zgjedhjet lokale, duke i mbyllur dyert e Kuvendit.
“I mbyllët edhe dyert e Kuvendit të Kosovës sepse ishit të zënë duke u përpjekur të mbjellnit shpresë të rreme te qytetarët, por më pas korrët zhgënjim”, tha ajo.
(Kosova Sot Online)
