Sonte priten reshje bore, ky është moti për pesë ditë

Instituti Hidrometeorologjik i Kosovës ka njoftuar se gjatë pesë ditëve të ardhshme, moti do të jetë nën ndikimin e masave të ajrit me presion të ulët atmosferik.

Sipas IHK-së, moti do të jetë kryesisht i vranët, por nuk do të mungojnë intervalet me diell.

Lexoni edhe:

Strukturat e fshehura të SHIK-ut ilegal zgjohen në aksion, kundër Avokatit të popullit dhe Presidentes Osmani për ta destabilizuar dhe rrëzuar Qeverinë Kurti!

Reshjet e shiut do të fillojnë nga sot, dhe do të vazhdojnë deri të martën.

Po ashtu, sipas njoftimit të Institutit Hidrometeorologjik, gjatë kësaj jave pritet të ketë edhe reshje bore.

“Kjo situatë e parashikuar meteorologjike do të kushtëzojë mot kryesisht të vranët, por nuk do të mungojnë edhe intervalet e shkurta me diell ditën e mërkurë. Reshjet e shiut do të fillojnë sot për të vazhduar gjatë natës, ditës së hënë dhe të martën. Në fushat termike do të ketë rënie sidomos në vlerat e temperaturave minimale. Këto reshje gjatë orëve të vona të ditës së hënë parashihen të shndërrohen në reshje dëbore”, ka njoftuar IHK.

Ky është parashikimi i motit deri të premten:

Parashikimi i motit për pesë ditë (29 nëntor – 03 dhjetor 2021)

Vendi ynë gjatë këtyre pesë ditëve të parashikimit do të jetë nën ndikimin e masave të ajrit me presion të ulët atmosferik.

Kjo situatë e parashikuar meteorologjike do të kushtëzoj mot kryesisht të vranët, por nuk do të mungojnë edhe intervalet e shkurta me diell ditën e mërkurë. Reshjet e shiut do të fillojnë sot për të vazhduar gjatë natës, ditës së hënë dhe të martën.

Në fushat termike do të ketë rënie sidomos në vlerat e temperaturave minimale. Këto reshje gjatë orëve të vona të ditës së hënë parashihen të shndërrohen në reshje dëbore. Temperaturat minimale do të lëvizin ndërmjet -4 deri 4 gradë Celsius, ndërsa maksimalet e ditës parashihen të lëvizin ndërmjet 3-13. Të premten sërish do të ketë zhvillim të vranësirave të cilat parashihen të sjellin reshje. Do të fryjë erë kryesisht nga veriperëndimi me shpejtësi 1-12 m/s.

(Kosova Sot Online)