OBSH: Varianti Omicron i COVID-19 paraqet rrezik shumë të lartë global

Organizata Botërore e Shëndetësisë (OBSH) deklaroi se varianti i koronavirusit Omicron ka të ngjarë të përhapet ndërkombëtarisht, duke paraqitur një rrezik shumë të lartë global të rritjes së infeksionit që mund të ketë pasoja të rënda në disa zona.

Agjencia e OKB-së u kërkoi 194 shteteve të saj anëtare të përshpejtojnë vaksinimin e grupeve me prioritet të lartë dhe të “sigurojnë plane zbutëse” për të ruajtur shërbimet thelbësore shëndetësore.

“Omicron ka një numër të paparë mutacionesh, disa prej të cilave janë shqetësuese për ndikimin e tyre të mundshëm në trajektoren e pandemisë. Rreziku i përgjithshëm global në lidhje me variantin e ri … vlerësohet si shumë i lartë.” tha OBSH.

Organizata shpjegoi se deri më sot, nuk ishte raportuar asnjë vdekje e lidhur me Omicron, megjithëse nevojiten kërkime të mëtejshme për të vlerësuar potencialin e tij për t’i shpëtuar mbrojtjes nga imunitetit i vaksinave dhe infektimet e mëparshme, shkruan Theguardian.

Varianti u raportua për herë të parë në OBSH më 24 nëntor nga Afrika e Jugut, ku infeksionet janë rritur ndjeshëm. Që atëherë është përhapur në të gjithë botën, me raste të reja të gjetura në Holandë, Danimarkë dhe Australi, edhe pse më shumë vende vendosën kufizime të udhëtimit për t’u përpjekur të mbyllen. Japonia tha të hënën se do të mbyllte kufijtë e saj për të huajt, duke iu bashkuar Izraelit në marrjen e masave më të ashpra.

(Kosova Sot Online)