Lexoni edhe:
Mehaj: Kurrë më mirë s’kemi pasur bashkëpunim me ShBA-të sesa tani
Ndërprerja e transmetimit të adresimit të Vuçiqit, Danas del me detaje të reja
Teksa presidenti Aleksander Vuçiq mbrëmë po fliste drejtpërdrejt në Radio Televizionin e Serbisë atij iu ndërpre transmetimi për disa minuta. Gazeta serbe “Danas” duke u thirrur në burime të saj shkruan se pajisjet teknike gjatë transmetimit kanë qenë të mbikqyrura nga sigurimi personal i Vuçiqit dhe ata nuk i kanë lejuar gazetarët e as stafin teknik që të afrohen.
Megjithatë “Danas” shkruan se nuk dihet nëse ndërprerja ka qenë sabotazh apo neglizhencë e sigurimit të presidentit Vuçiq pasi këshilltarja e tij për media, Suzana Vasiljeviq s’është përgjigjur në thirrjet e gazetës.
Sipas gazetës serbe, kërkimfalja publike e RTS-së për ngjarjen e djeshme s’ishte për publikun por për Vuçiqin.
Radio Televizioni Shtetëror serb në një deklaratë që ka lëshuar dje ka thënë se ndërprerja e transmetimit të Vuçiqit është shkaktuar nga një person i paidentifikuar, duke tërhequr qëllimisht kabllot nga rryma.
(Kosova Sot Online)
