Kosova bëhet me oficere ndërlidhëse në State Department, kjo është diplomatja e emëruar

Ambasadori amerikan në Kosovë, Jeff Hovenier, ka njoftuar se Merdiana Leci do të jetë zyrtarja ndërlidhëse e Kosovës në Departamentin amerikan të Shtetit.

Hovenier përmes një postimi në Twitter ka thënë se programi i ri do të fuqizojë bashkëpunimin ShBA-Kosovë.

Lexoni edhe:

4 mijë e 232 vaksina Anti-COVID u administrun në 24 orët e fundit në Kosovë

“Diskutim produktiv me ministren e Jashtme, Gërvalla & frymëzues takimi me Merdiana Lecin, diplomatja e parë kosovare që shërben si zyrtare ndërlidhëse në Departamentin e Shtetit në Uashington. Ky program do t’i fuqizojë mirëkuptimin dhe bashkëpunimin ShBA – Kosovë për prioritetet e përbashkëta të politikës së jashtme”, ka thënë Hovenier

Kjo është hera e parë që bëhet emërim i tillë në pozitën e zyrës ndërlidhëse të Kosovës në Departament të Shtetit.

Ish-ambasadorja e Kosovës në ShBA, Vlora Çitaku, ka shkruar se programin e ka negociuar si ambasadore së bashku me ish-ministren Meliza Haradinaj.

“E lumtur të shoh lajme të tilla. Si ambasadore kam negociuar programit së bashku me ambasadoren Lendita Haxhitasimi dhe Meliza Haradinajn”, ka shkruar ajo.

Productive discussion with @MFAKosova Gervalla & inspiring to meet Merdiana Leci, Kosovo’s first diplomat to serve as a liaison officer at the @StateDept in Washington. This program will strengthen U.S.-Kosovo understanding & cooperation on shared foreign policy priorities. pic.twitter.com/CXQGGJ66cA

— Ambassador Jeff Hovenier (@USAmbKosovo) January 11, 2022

(Kosova Sot Online)