“Jo, sanksione Rusisë”, kur Daçiq ia këndonte ‘Kalinkën’ Putinit, Vuçiq duartrokiste

Kreu i Partisë Socialiste të Serbisë, Ivica Daçiq, është një prej miqve më të ngushtë të Vladimir Putinit në Serbi. Kreu i Kuvendit të Serbisë së fundi ka thënë se nuk duhet vendosur sanksione kundër Rusisë pavarësisht agresionit dhe luftës që Putin ka nisur në Ukrainë, duke treguar hapur rreshtimin e Serbisë kah Lindja.

Daçiq s’kishte ngurruar që ta argëtonte Vladimir Putinin në një organizim në vitin 2019, duke e kënduar këngën folklorike ruse “Kalinka” që i kushtohet dashurisë.

Lexoni edhe:

‘Prokurori që i liroi spiunët serb, blerës të simboleve të UÇK-së,një shërbëtor besnik i BIA-s serbe’

Gjatë kësaj performance, Daçiq ishte duartrokitur edhe nga Aleksander Vuçiq dhe Millorad Dodik, të cilët gjendeshin bashkë në një tavolinë.

Ndryshe Putin e kishte dekoruar Daçiqin edhe me “Medaljen e Miqësisë” në janar të vitit 2018.

(Kosova Sot Online)