Lexoni edhe:
Edhe kjo ndodh në Vushtrri: Një grua raporton në polici se ia kanë vjedh lavatriqen
Lajmi i fundit: Arrestohen komandantët e dy pikave kufitare dhe krejt policët që ishin në ndërrim
Po vazhdon aksioni i gjerë i udhëhequr nga Inspektorati Policor i Kosovës në koordinim me Prokurorinë Speciale të Kosovës, burime brenda kësaj të fundit thanë se në pranga kanë rënë dy komandantët e dy vendkalimeve kufitare të Qaf Prushit dhe Qaf Morinës. Përveç tyre IPK ka arrestuar krejt policët që ishin në ndërrim, konfirmuan burimet e Expressit brenda PSRK-së.
Aksioni është duke vazhduar, mirëpo së shpejti pritet që Prokuroria Speciale të dal me një njoftim për media.
Gjatë ditës së sotme pritet arrestimi i mbi 40 zyrtarëve policorë nën dyshimin për përfshirje në aktivitete të kundërligjshme që lidhen me veprat penale “marrje e ryshfetit” dhe “keqpërdorim i pozitës apo autoritetit zyrtar”.
“Ky hetim është duke u zhvilluar në koordinim të plotë me Prokurorinë Speciale të Republikës së Kosovës (PSRK) duke përfshirë edhe masa të fshehta të hetimit dhe bashkëpunim edhe me agjenci të tjera”, njoftoi IPK.
(Kosova Sot Online)
