Sot shi e bubullima, në këtë ditë pritet edhe borë

Shi e bubullima të enjten. Nga e premta sërish ngrohtë e më shumë diell. Të dielen ftohtë, me kushte për shi e borë.

Ditën e diel mot më i ftohtë, me të reshura shiu, e viseve kodrinoro-malore edhe për borë.  Në fillim të javës më shumë kthjellime dhe rritje e temperaturave.

Lexoni edhe:

Shteti të lirohet nga festomania e tepruar që po e ndikon negativisht zhvillimin ekonomik

Cilësia e ajrit në ditët vijuese në përmirësim.  Indeksi mbetet më gjatë në vlera të pranueshme, vende-vende edhe të mira.

Datat:

7.04 – Kryesisht me vransira.  Nga mëngjesi priten kushte për të reshura shiu, ditën të shoqëruara edhe me bubullima.  Reshje bore do të ketë vetëm në vise të larta malore.

8.04 – Ngrohtë e kryesisht me diell.

9.04 – Ngrohtë e me erë.  Kalime të  vransirave të larta shtresore, por intervale më të gjata me diell.

10.04 – Ftohtë, Kryesisht me vransira, kohëpaskohe me reshje të dobëta shiu, në mëngjes viseve kodrinoro-malore edhe reshje bore. Në mbrëmje reshjet pushojnë.

11.04 – Kthjellët dhe diell.  Në mëngjes më ftohtë.

Temperaturat të luhatshme në ditët e ardhshme.  Minimalet luhaten ndërmjet 5C deri 7C, e të dielen mund të zbresin edhe në 2C.  Maksimalet të enjten në rënie në 14C, më pas deri të shtunën në rritje në 20C, e ditën e diel zbresin në 8C.

Erërat fryjnë edhe mesatarisht të fuqishme dhe fuqishme 5-16m/s, deri ditën e shtunë nga jugperëndimi, e të dielen ndryshojnë kahjen në veriore 6-13m/s.

Shtypja atmosferike luhatet në vlera poshtë normales.

1 / 1

(Kosova Sot Online)