Ky është numri i policëve qe u arrestuan deri më tani në Vërmicë

Një aksion që ka nisur sot në mëngjes në Vërmicë, Deri tash, janë arrestuar të gjithë udhëheqësit e Policisë së Shqipërisë në këtë pikë kufitare.

Meda mëson se deri më tani janë arrestuar 25 zyrtarë policorë të Kosovës dhe mbi 30 zyrtarë policorë të Shqipërisë.

Ky aksion është ndërmarrë nën dyshimet për veprat penale “keqpërdorim i detyrës zyrtare” dhe “marrje e ryshfetit”.

Aksioni është duke u zhvilluar nga Inspektorati Policor i Kosovës dhe Prokuroria Speciale, në bashkëpunim me autoritetet e Shqipërisë.

“Masa të fshehta”, si iu ranë në gjurmë policëve që dyshohen për korrupsion IPK’ja e Prokuroria

Në një aksion që ka nisur sot në mëngjes në Vërmicë, pritet të arrestohen rreth 60 policë të Kosovës dhe Shqipërisë, nën dyshimet për korrupsion. Deri tash, janë arrestuar të gjithë udhëheqësit e Policisë së Shqipërisë në këtë pikë kufitare. Por, si iu ranë në gjurmë Inspektorati e Prokuroria këtyre zyrtarëve policorë?

Nën dyshimet për veprat penale “keqpërdorim i detyrës zyrtare” dhe “marrje e ryshfetit”, Inspektorati Policor i Kosovës dhe Prokuroria Speciale, në bashkëpunim me autoritetet e Shqipërisë, kanë nisur një aksion në Vërmicë.

Siç mëson Express, në këtë aksion pritet të arrestohet rreth 60 policë. Deri tash, janë arrestuar udhëheqësit e Policisë së Shqipërisë në këtë pikë kufitare.

E për këtë aksion, nga IPK’ja dhe Prokuroria, kanë thënë se kanë bërë hetime qe 1 vjet.

Madje, thonë se janë përdorur edhe masa të fshehta të hetimit.

“Operacionit të sotshëm (i koduar me emrin “Pika 2”) i ka paraprirë një hetim rreth një vjeçar me dyshimin për përfshirje në aktivitete të kundërligjshme të një numri të zyrtarëve policorë lidhur me veprat penale “marrje e ryshfetit” dhe “keqpërdorim i pozitës apo autoritetit zyrtar”.

Ky hetim është duke u zhvilluar në koordinim të plotë dhe udhëheqjen nga Prokuroria Speciale të Republikës së Kosovës (PSRK) duke përfshirë edhe masa të fshehta të hetimit”, thuhet në komunikatën e përbahkët të këtyre dy institucioneve.

Hetimi ka përfshirë edhe bashkëpunim me prokurorë nga SPAK-u (Struktura e Posaçme kundër korrupsionit dhe krimit të organizuar e Republikës së Shqipërisë) dhe zyrtarët e AMP-së Agjencisë për Mbikëqyrje Policore (agjencia homologe e IPK-së në Shqipëri.

Aksioni është duke vazhduar ende. Ky aksion është vazhdimësi e aksionit “Pika 1”, ku kishin përfunduar të arrestuar mbi 50 zyrtarë policorë. 

(Kosova Sot Online)