Lexoni edhe:
Çfarë përmban udhërrëfyesi për implementimin e marrëveshjes për rrymën (DOKUMENT)
Reduktimi i gazit rus, Evropa e shqyrton mundësinë që ta përdorin më shumë qymyrin
Me Rusinë që redukton furnizimet me gaz natyror në Evropë, disa vende të BE-së po shqyrtojnë djegien e mëtejshme të qymyrit me intensitet karboni për të siguruar furnizimet me energji për dimrin e ardhshëm.
Gjermania dhe Austria njoftuan këtë fundjavë masa urgjente për të përballuar flukset më të ulëta të gazit rus, duke përfshirë përdorimin e mundshëm të termocentraleve me gaz për të prodhuar energji.
Masa vjen pas javësh të shkurtimeve të furnizimit me gaz dhe flukseve të reduktuara në Evropë, gjë që ka nxitur qeveritë e Bashkimit Evropian të kërkojnë furnizime alternative dhe të krijojnë rezerva.
Gjigandi shtetëror rus i energjisë Gazprom ka ndërprerë furnizimet për disa vende të BE-së për refuzimin e pagesës së gazit në rubla – duke përfshirë Poloninë, Rumaninë, Bullgarinë, Finlandën dhe Holandën.
Por Gjermania, Republika Çeke, Italia, Austria dhe Sllovakia janë përballur gjithashtu me vëllime të reduktuara të furnizimit me gaz, duke rritur frikën për sigurinë e furnizimit me gaz.
Qymyri është ende burimi i dytë më i madh i energjisë elektrike në Gjermani dhe lufta ka hapur një dritare për të zgjatur jetëgjatësinë e tij – të paktën përkohësisht.
(Kosova Sot Online)
