Lexoni edhe:
Vettingu po vjen me mbështetjen e Amerikës, Britanisë e Gjermanisë, për ta pastruar drejtësinë e korruptuar dhe ndikuar nga politika e inkriminuar!
Konjufca: Edhe pse me SHBA-në jemi larg gjeografikisht, ndajmë një botëkuptim dhe interesa të përbashkëta
“Edhe pse gjeografikisht të largët, ne ndajmë një botëkuptim dhe interesa të përbashkëta për të avancuar idealet e paqes dhe prosperitetit”.
Kështu Glauk Konjfuca, kryeparlamentar i Kosovës e ka uruar SHBA-në në datën e pavarësisë, 4 korrik.
Ka thënë se ShBa-ja është pishtari i demokracisë dhe i të drejtave të njeriut dhe shtylla kryesore për paqen dhe stabilitetin në mbarë botën.
“Ishte edhe fanari i lirisë për Kosovën dhe mbetet aleati më i madh i popullit tonë. Miqësia e ngushtë midis Shteteve të Bashkuara të Amerikës dhe Kosovës është e ndërtuar mbi besimin e ndërsjellë i cili ka udhëhequr lidhjet tona të forta tash e sa vite, në mbrojtje, siguri, përparim ekonomik dhe marrëdhënie tjera strategjike dhe ndërnjerëzore”, ka shkruar Konjufca në Facebook.
Sipas tij, Ky bashkëpunim dhe partneritet çdo ditë po rritet dhe po forcohet edhe më shumë.
“Populli i Kosovës qëndron i përkushtuar, siç ka qëndruar gjithmonë, krah Shteteve të Bashkuara. Do të punojmë së bashku për të adresuar sfidat e ndryshme si në rajon ashtu edhe në rrafshin global”, ka thënë Konjufca.
1 / 1
(Kosova Sot Online)
